Oralda 6 páterlik turǵyn úı órtenip ketti, dep habarlaıdy Egemen.kz.
BQO TJ departamentiniń baspasóz qyzmeti málim etkenindeı, oqıǵa 17 qazan kúni saǵat 19.10-da О́te Mýsın kóshesi №3-mekenjaıynda bolǵan.
О́rttiń aýmaǵy 250 sharshy metrdi qurady. «Tilsiz jaý» TJ departamentiniń kúshimen (26 qyzmetker, 11 tehnıka) saǵat 21.30-da oqshaýlanyp, 22.46-da sóndirildi.
Sondaı-aq budan bir kún buryn, 16 qazan kúni saǵat 20.30-da Báıterek aýdany Asan aýyly Mırnyı kóshesi 24-mekenjaıda eki qabatty turǵyn úıge japsarlas ornalasqan garaj ben monsha, as úı men jýyný bólmesi jandy.
Jalpy aýdany – 140 sharshy metr. О́rt saǵat 21.28-de oqshaýlanyp, 21.48-de sóndirildi. Eki oqıǵadan da zardap shekkender joq.
Qazirgi kezde órtterdiń shyǵý sebebi, keltirilgen shyǵyn, kináli adamdar anyqtalý ústinde.