Tájikstan prezıdenti Emomalı Rahmonnyń jarlyǵymen 27 jyl buryn tájik-aýǵan shekarasynda erlikpen qaza tapqan qazaqstandyq áskerı qyzmetker marapattaldy, dep jazady Egemen.kz.
Marapat el táýelsizdiginiń 30 jyldyǵynyń qurmetine oraılastyrylǵan.
Aıta keteıik, kishi serjant Radjan Batyrhanov qyzmettik mindetin oryndaý kezinde erlikpen qaza tapqan. Tósbelgi búgin Qazaqstandaǵy Tájikstan elshiliginde sarbazdyń anasy Kızat Batyrhanovaǵa tabystaldy.«Búgin Qazaqstannyń shekara qyzmeti úshin tarıhı kún. Bul marapat tek Radjan Batyrhanovtiki ǵana emes, bul onyń jaqyndary men Qazaqstannyń shekara qyzmetine kórsetilgen qurmet. Biz Radjan Batyrhanov syndy qyzmetkerlerimizdi maqtan tutamyz. Tájikstan Respýblıkasynyń prezıdenti men Qazaqstandaǵy elshiligine alǵys aıtymyz», dedi UQK tóraǵasynyń orynbasary, shekara qyzmetiniń dırektory Darhan Dilmanov.