Túrkııa prezıdenti Rejep Taıyp Erdoǵan Syrtqy ister mınıstrligine 10 elshini «non grata tulǵalary» retinde jarııalaýǵa buıryq berdi, dep habarlaıdy Egemen.kz RIA Novostıge silteme jasap.
Áńgime Kanada, Fransııa, Fınlıandııa, Danııa, Germanııa, Nıderlandy, Jańa Zelandııa, Norvegııa, Shvesııa jáne AQSh dıplomattary jóninde boldy.
«Men bizdiń syrtqy ister mınıstrimizge osy 10 elshini «non grata tulǵalary» dep jarııalaý úshin dereý sharalar qabyldaýǵa nusqaý berdim», dedi Erdoǵan Eskıshehır qalasynda sóılegen sózinde.
Habar túrik basshysynyń Twitter paraqshasynda jarııalandy.
Tıisti tapsyrma túrik belsendisi Osman Kavalany bosatý týraly úndeýlerge jaýap retinde berildi.
Osman Kavala - túriktiń eń tanymal quqyq qorǵaýshylarynyń biri jáne ulttyq azshylyq jobalaryn qoldaıtyn Anadolu Kültür AŞ mádenı qorynyń negizin qalaýshy. Ol túrikterdiń kúrdter men armıandarmen tatýlasýyn jaqtaıdy. Túrik prokýratýrasy Kavalany 2016 jyldyń jazynda bolǵan memlekettik tóńkeris áreketine qatysqany úshin aıyp taǵyp, qamaýǵa alýǵa jańa order berdi.