Ispanııa Premer-mınıstri Pedro Sanches senbi kúni La-Palma aralyndaǵy janartaýdyń bir bóligi opyrylyp túskenin habarlady. Výlkan atqylaýy bastalǵannan bergi bir aı ishinde ystyq lava aýyl sharýashylyǵy men balyq ónerkásibine aýyr zardap ákelgen.
Lava 900 gektar jerge jaıylyp, 2000-nan astam ǵımarat pen kóptegen banan alqabyn qıratqan. 19 qyrkúıekte janartaý atqylaı bastaǵannan beri 7 myńnan astam adam úılerin tastap ketken.
Qazan aıynyń basynda Pedro Sanches ınfraqurylymdy qalpyna keltirýge jáne jumyspen qamtýdy, aýyl sharýashylyǵyn jáne týrızmdi arttyrýǵa aralǵa úkimetten 206 mıllıon eýro (239 mıllıon dollar) qarjy bóletinin habarlaǵan-dy.
Kanar araldarynyń výlkanologııa ınstıtýty senbi kúni tańerteń negizgi konýstyń bir bóligi qulaǵanyn habarlady. Výlkan saldarynan araldaǵy banan alqabynyń kóp bóligi zardap shekken. Bul aral ónimderiniń jartysyna jýyǵyn quraıdy.