Bir apta ishinde elimizdiń aýmaǵynda 3 125 qylmys jasaldy. Bul týraly QR Ishki ister mınıstrliginiń resmı ókili Nurdildá Oraz málim etti, dep habarlaıdy Egemen.kz.
«Bir apta ishinde 3 125 qylmys jasaldy. Onyń 2 102-si táýlik ishinde ashyldy», dedi Nurdildá Oraz mınıstrliktiń baspasóz alańynda ótken dástúrli brıfıng barysynda.
Resmı ókildiń dereginshe, polısııa qyzmetkerleri «izin sýytpaı» 6 kisi óltirýdi, 1 ólimge ákep soqqan densaýlyqqa qasaqana aýyr zııan keltirýdi, 31 tonaý jáne 453 bóten múlikti urlaý qylmystaryn ashqan.
Sonymen qatar ol Qazaqstannyń ishki ister mınıstri Erlan Turǵymbaev Eýropadaǵy yntymaqtastyq jáne qaýipsizdik uıymy Demokratııalyq ınstıtýttar jáne adam quqyqtary jónindegi bıýronyń dırektory Matteo Mekachchımen kezdeskenin, kezdesý Matteo Mekachchıdiń Nur-sultan qalasyna arnaıy sapary aıasynda ótkenin atap ótti.
«Kezdesý barysynda mınıstr Memleket basshysynyń adam quqyqtaryn qamtamasyz etý, quqyqqorǵaý qyzmetin jetildirý máselelerine erekshe nazar aýdaratynyn atap ótip, osy saladaǵy halyqaralyq standarttardy saqtaý, jazanyń oryndalýyn izgilendirý jáne azamattyq baqylaýdy kúsheıtý jónindegi jumystar týraly aıtty», dedi ol.