Fınlıandııa temir joldarynda jáne Helsınkıdegi qoǵamdyq kólikterde maska rejımi toqtatyldy, dep habarlaıdy Egemen.kz.
Maskany paıdalaný týraly talap dúısenbiden bastap Fınlıandııanyń temir jol transportynda jáne el astanasynyń qoǵamdyq kólikterinde joıyldy. Medısınalyq maskany mindetti qoldaný týraly talap osy jyldyń naýryz aıynan bastap kúshine engen bolatyn.
Budan bylaı jolaýshylar sapar kezinde qoǵamdyq kólikte maska taǵý-taqpaý kerektigin ózderi sheshedi. «Halyqtyń pikiri ózgerdi», dep habarlaıdy kompanııalar. Qyrkúıek aıyndaǵy saýalnamaǵa sáıkes, jolaýshylardyń tek 43% - y medısınalyq maskany qoldanǵysy keletinin aıtqan. Bul kórsetkish tamyz aıynda 58 paıyzdy quraǵan edi.