AQSh Prezıdenti Djo Baıden elge keletin shetel azamattary úshin vaksınaǵa jańa talaptar engizý týraly Jarlyqqa qol qoıdy, dep habarlaıdy Egemen.kz.
Bul týraly Deutsche Welle saıty jazdy.Halyqaralyq áýe saparlarynyń jańa saıasatyn júzege asyrý týraly málimetke saı, AQSh-qa COVID-19-ǵa qarsy ekpeniń tolyq kýrsyn alǵan shetel azamattary ǵana kire alady. Immıgrasııalyq emes vızalary bar, AQSh-qa baratyn sheteldikter ushaqqa otyrar aldynda ekpe alǵany týraly kýáligin kórsetý kerek.
«Pandemııa kezinde keı elderge qoıylǵan shekteýlerden bas tartý jáne áýe tasymalyn qaýipsiz júzege asyrýǵa yqpal etý úshin birinshi kezekte vaksınasııaǵa negizdelgen áýe saıasatyn qabyldaý kerek», delingen Baıden málimdemesinde.
Basylym AQSh Azyq-túlik jáne dári-dármek basqarmasy (FDA) maquldaǵan nemese Dúnıejúzilik densaýlyq saqtaý uıymy shuǵyl paıdalanýǵa ruqsat etken ekpelerin alǵan saıahatshylardy qabyldaıtynyn habarlady. 18 jasqa tolmaǵan balalarǵa ekpe salý boıynsha jańa talaptar engizilmeıdi. Jańa shekteýler 8 qarashada kúshine enedi.