Qazaqstan men Túrkııa Respýblıkasy qorǵanys vedomstvolary arasyndaǵy áskerı bilim sheńberindegi ekijaqty yntymaqtastyq aıasynda Tuńǵysh Prezıdent – Elbasy atyndaǵy Ulttyq qorǵanys ýnıversıtetiniń bastyǵy general-leıtenant Sultan Qamaletdınov Túrkııa Ulttyq qorǵanys ýnıversıtetine bardy, dep jazady Egemen.kz.
Bul týraly Qorǵanys mınıstrliginiń baspasóz qyzmeti habarlady.
«Qazaqstan delegasııasy Túrkııa Respýblıkasy Ulttyq qorǵanys ýnıversıtetiniń áskerı bilim berý júıesimen, oqý-materıaldyq bazasymen tanysty. Taraptar eki eldiń áskerı oqý oryndary arasyndaǵy ózara is-qımyldy nyǵaıtý máselelerin talqylady», delingen habarlamada.
Sapar qorytyndysy boıynsha Áskerı oqý oryndary arasyndaǵy yntymaqtastyq týraly deklarasııaǵa qol qoıyldy.