Túrkistan polıseıleri qaraquıryq atqan brakonerdi ustady, dep habarlaıdy Egemen.kz Polisia.kz-ke silteme jasap.
«Brakoner» jedel-aldyn alý sharasy kezinde Arys APB-niń tártip saqshylary «Ohotzooprom» ókilderimen birlesip Jıdeli aýylynda jabaıy janýarlardy zańsyz aýlady degen kúdiktini ustady. Ol jergilikti turǵyn bolyp shyqty.
Brakoner aýdandyq polısııa bólimine jetkizildi. Odan tártip saqshylary ańshy myltyǵyn, jabaıy qoıan men Qyzyl kitapqa engen qaraquıryqtyń ushalaryn tárkiledi.
Atalǵan fakti QR QK-niń 337-baby «Zańsyz ańshylyq» boıynsha tirkeldi. Qazirgi ýaqytta sotqa deıingi tergeý júrgizilip, oqıǵanyń barlyq mán-jaıy anyqtalýda.