Petropavl qalalyq sotynda Soltústik Qazaqstan oblysy Densaýlyq saqtaý basqarmasynyń basshysy Qabdrahman Saqtaǵanovqa qatysty úkim shyǵaryldy, dep habarlaıdy Egemen.kz.
Oblystyq densaýlyq saqtaý basqarmasynyń basshysy «Densaýlyq» jeke kommersııalyq emes mekemesiniń dırektory Aınagúl Qarabaevadan 200 myń teńge kóleminde para aldy degen kúdikke ilindi.
Is materıaldarynan Qarabaevanyń Saqtaǵanovqa 200 myń teńge bergeni belgili boldy. Aqsha oblystyq Densaýlyq saqtaý basqarmasynyń basshysy ýákiletti jáne atqarýshy organdardy jeke medısınalyq mekemege jumys isteýge kelgen jas mamandarǵa kóterme aqy tóleýge kóndirý úshin arnalǵan.
Is jeńildetilgen rejımde qaraldy, sebebi sottalýshylar óz kinásin moıyndap, is júrgizý kelisimin jasady.
Sot Qabdrahman Saqtaǵanovqa para somasynan 30 ese mólsherde - 5,8 mıllıon teńge aıyppul túrinde jaza taǵaıyndady. Al Aınagúl Qarabaeva 4 mln teńge kóleminde aıyppul tóleýi tıis. Ekeýi de ómir boıy memlekettik qyzmette qyzmet atqarý quqyǵynan aıyryldy.