Aqmola oblysynda brakonerler 273 jas qaraǵaı qazyp alǵan, dep habarlaıdy Egemen.kz Polisia.kz-ke silteme jasap.
Oqıǵa 25 qazanda bolǵan. Saǵat 18:35-te Zerendi aýdandyq polısııa bóliminiń kezekshi bólimine Barataı aýylyndaǵy orman alqabynda belgisiz adamdar jas qaraǵaı túpterin qazyp alyp jatqany týraly telefon habarlamasy kelip tústi.
Oqıǵa ornyna jetken polısııa qyzmetkerleri qaskúnemderdiń jeke basyn anyqtady. Olar buryn sottalmaǵan Semeı qalasynyń 55 jastaǵy turǵyny men DAF júk kóligine aǵash tıegen Nur-Sultan qalasynyń 43 jastaǵy turǵyny bolyp shyqty. Brakonerler 273 qaraǵaı qazyp alyp úlgerdi. Atalǵan fakti boıynsha QR QK 340-baby 1-bóligi «Aǵashtar men butalardy zańsyz kesý, joıý nemese búldirý» boıynsha sotqa deıingi tergeý amaldary bastaldy.
Eske sala ketsek, Aqmola oblysynyń aýmaǵynda tabıǵatty qorǵaý zańnamasyn buzýshylyqtardy, bıologııalyq resýrstar obektileriniń zańsyz aınalymyn anyqtaý jáne jolyn kesý maqsatynda 20 qazan men 19 qarasha aralyǵynda «Brakoner» jedel-aldyn alý issharasy ótkiziledi.