«Belavıanyń» úsh ushaǵy Asiana Airlines avıakompanııasynyń ýaqytsha turaǵynda bolady, dep habarlaıdy Egemen.kz.
Bul týraly BBC News jazady.
Qazaqstandaǵy Asiana Airlines avıakompanııasynyń ókilderi Belarýs ushaqtarynyń áýe parkine kirmeıtinin, tek el aýmaǵynda ýaqytsha turaqta bolatynyn habarlaǵan.
Aıta keterligi, bıylǵy mamyr aıynyń sońynan bastap «Belavıa» avıakompanııasyna Eýropa bıligi sanksııa salyp, Batys Eýropa elderine reıster toqtatyldy. Bul shekteýge Mınskidegi Ryanair laıneriniń kúshtep qonýy jáne borttaǵy oppozısııalyq Belarýs jýrnalısi Roman Protasevıchtiń ustalýy, prezıdenttik saılaýdan keıingi narazylyq sebep bolyp otyr.
Flightradar24 servısiniń málimeti boıynsha, sársenbide Embraer e195-E2 ushaǵy ew-555 PO, EW-560po jáne EW-563po tirkeý nómirimen Mınskiden astanadaǵy «Nursultan Nazarbaev» áýejaıyna qondy. Bul ushaqtar AerCap lızıngtik kompanııasyna tıesili. Onyń bas keńsesi Dýblınde tirkelgen. «Belavıaǵa» bul ushaqtar uzaq merzimge berilipti.
Belarýs ulttyq avıatasymaldaýshysyna ushýǵa shekteýler engizilgennen keıin «Belavıa» Reseı, Grýzııa, Armenııa, Ázerbaıjan, Túrkııa, Lıvan, Izraıl, Egıpet, BAÁ, О́zbekstan jáne Qazaqstanǵa ushýdy jalǵastyrǵan. Tek Amsterdam, Barselona, Berlın, Brıýssel, Frankfýrt, Gannover, Mılan, Mıýnhen, Rım, Vena jáne Varshavaǵa reıster jasaı almaıdy.
Avia.ru portaldyń bas redaktory Roman Gýsarov «Belavıa» Qazaqstanǵa ushaqtar jiberý arqyly ushýǵa tyıym salynǵan kezdegi shyǵyndaryn qaıtarýdy kózdep otyr.