Shyǵys qazaqstandyq órt sóndirýshi Berik Qalyqov Italııada 15-24 qazan aralyǵynda ótken kıkboksıngten álem chempıonatynda qola júlde aldy, dep habarlaıdy Egemen.kz.
Shyǵys Qazaqstan oblysy Tótenshe jaǵdaılar departamenti málimetinshe, azamattyq qorǵaý aǵa serjanty Berik Qalyqov Semeı qalasynda qyzmet etedi. О́rt sóndirý bóliminde júrgizýshi bolyp jumys isteıdi.
«26 jastaǵy órt sóndirýshi mektep qabyrǵasynan sportpen, kıkboksıngpen belsendi aınalysady. Ol jarystyń mańyzdylyǵyn, deńgeıin túsinip, álem chempıonatyna tyńǵylyqty daıyndaldy. 65 elden 1600 sportshy chempıonatqa qatysty. Berik Qalyqov tamasha nátıjemen, Qazaqstan quramasynyń sapynda óner kórsetip, qola júldeger atandy», dedi ShQO TJD baspasóz qyzmeti ókilderi.
Basqarma málimetinshe, barlyq áriptesi Berikke jankúıer bolǵan. Ol 2016 jyldan bastap tótenshe jaǵdaılar júıesinde qyzmet etedi. Jastyǵyna qaramastan 13 ret órt oshaǵyna baryp, 20 adamdy qutqarǵan.