Armenııada koronavırýstyq ınfeksııanyń taralýyna baılanysty jaǵdaı kúrt nasharlady. Sondyqtan da el bıligi ashyq keńistikte mindetti maska rejımin qaıta engizý týraly sheshim qabyldady. Bul týraly atalmysh eldiń Densaýlyq saqtaý mınıstrliginiń baspasóz qyzmeti málimdedi, dep habarlaıdy Egemen.kz.
Armenııa respýblıkasy Densaýlyq saqtaý mınıstriniń buıryǵyna túzetý engizýge sáıkes, koronavırýstyq aýrýdyń taralý qaýpin azaıtý maqsatynda, birinshi qarashadan bastap turǵyn úıden shyqqan kezde maska kııý mindetti bolmaq.
«Koronavırýs aýrýynyń taralý qaýpin azaıtý úshin 1 qarashadan bastap qoǵamdyq jerlerde betperde kııý kerek», delingen Densaýlyq saqtaý mınıstrliginiń habarlamasynda.