Djo Baıden Germanııa bıligin gaz máselesi boıynsha Ýkraınaǵa bergen ýádesin oryndaýǵa shaqyrdy, dep habarlaıdy Egemen.kz.
«AQSh Prezıdenti Djo Baıden Germanııa kansleri Angela Merkelmen kezdesýde «Soltústik aǵyn - 2» qubyrynyń qurylysyna baılanysty Ýkraınaǵa berilgen ýádelerdi oryndaý qajettiligi týraly aıtty», dep habarlady Aq úı.
«Prezıdent Baıden Reseı tabıǵı gazdy ózine tıimdi saıası maqsattarda basqara almaıtyndyǵyna kepildik berý, Ýkraınanyń jáne Eýropalyq energetıkalyq qaýipsizdikti qoldaý úshin AQSh pen Germanııanyń birlesken málimdemesin odan ári júzege asyrýdyń mańyzdylyǵyn atap ótti», delingen baspasóz habarlamasynda.
Sanksııalar arqyly «Soltústik aǵyn – 2» qurylysyn toqtatýǵa tyrysýdan bas tartyp, AQSh Germanııamen Ýkraınanyń energetıkalyq táýelsizdigin saqtaý nıeti týraly málimdeme taratty. Bul Eýropaǵa balama jetkizilim baǵyty engizilgennen keıin Reseı gazynyń tranzıtinen qarajat joǵaltýy múmkin.
Reseı bıligi saıası múdde aıasynda «Soltústik aǵyn – 2» týraly aıtýdy toqtatýǵa shaqyrdy. «Bul barlyq tarapqa paıdaly kommersııalyq joba ekeni sózsiz» deıdi Reseı bıligi. Bul kózqarasty Germanııa bıligi de ustanyp otyr.
Baıden Rımdegi G20 sammıtiniń alańynda qyzmetimen qoshtasqaly otyrǵan Merkelmen Aýǵanstandaǵy jaǵdaıdy talqylady jáne 35 myń aýǵan bosqyndaryn AQSh-qa kóshýge daıyndyq kezinde qabyldaýǵa keliskeni úshin alǵys aıtty.