Batys Qazaqstan oblysynda birinshi toqsanda 780 oqýshydan koronavırýs anyqtalǵan, dep habarlaıdy Egemen.kz.
BQO densaýlyq saqtaý basqarmasynyń baspasóz qyzmeti málim etkenindeı, qazirgi kezde qala men aýdandardyń bas memlekettik sanıtar dárigerleriniń qaýlysyna sáıkes 6 mektepte 7 synyp karantınge jabylǵan. Jyl basynan beri indet tabylǵan 2899 balanyń 2830-y jazylyp shyqty. 69-y emdelý ústinde.
Kúni búgin oblys boıynsha 581 naýqas ambýlatorlyq em alýda. Olardyń 70,5 paıyzynyń aýrýy jeńil ótýde. 6,7 paıyzy ortasha, 22,8 paıyzy – sımptomy joqtar. Sondaı-aq 871 tósektik 16 ınfeksııalyq stasıonarda jatqan 179 naýqastyń 17-si jansaqtaý bólimshesinde. Bulardyń bireýi asa aýyr halde. Invazıvti emes jasandy tynys alý apparatyna 8, ottegi konsentratoryna 9 naýqas qosylǵan.
Pandemııa bastalǵannan beri 38 959, bıyl 29 738 adamnyń koronavırýs juqtyrǵany tirkeldi. Sońǵy aptada aldyńǵymen salystyrǵanda, aýrý juqtyrý 6,9 paıyzǵa (21 naýqasqa) tómendedi. Oblys boıynsha COVID-19 dıagnostıkasy boıynsha 13 zerthana jumys isteıdi. Sońǵy táýlikte 57 zertteý júrgizildi.
Basqarma málimetine qaraǵanda, bıyl 648 adam koronavırýstan kóz jumsa, sonyń ishinde 28-i – qańtar aıynda, 15-i – aqpanda, 30-y – naýryzda, 41-i – sáýirde, 57-si – mamyrda, 60-y – maýsymda, 144-i – shildede, 139-y – tamyzda, 90-y – qyrkúıekte, 44-i qazanda qaıtty.