Aqtóbe oblysynda jol apatynan eki adam kóz jumdy, dep habarlaıdy Egemen.kz.
30 qazan kúni saǵat 19:30-da Baıǵanın aýdanynyń Noǵaıty aýylynan bes shaqyrym jerdegi «Aqtóbe-Atyraý» avtojolynda jol-kólik oqıǵasynan eki adam qaıtys boldy.
Belgili bolǵandaı, «Mitsubishi Lancer» avtokóliginiń 21 jastaǵy júrgizýshisi Aqtóbe qalasy baǵytynda 308 shaqyrym jerde «Aqtóbe-Atyraý» avtojolynda júrip kele jatyp, basyp ozý kezinde qarsy baǵyttaǵy «Volkswagen Passat» avtokóligimen betpe-bet soǵysqan.
Jol-kólik oqıǵasy saldarynan eki adam alǵan jaraqattarynan oqıǵa ornynda til tartpaı ketti. Al «Volkswagen Passat» avtokóliginiń 45 jastaǵy júrgizýshisi Baıǵanın aýdanynyń ortalyq aýrýhanasyna jatqyzyldy.
Atalǵan fakti boıynsha QR QK 345-baby 4-bóligi (Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý) boıynsha sotqa deıingi tergeý bastaldy.
Aqtóbe oblysynyń Polısııa departamenti jol apattarynyń eń kóp taralǵan sebepteriniń biri – jol qozǵalysy erejelerin saqtamaý ekenin aıtyp, júrgizýshilerge jolda óte muqııat jáne abaı bolýdy eskertedi.