Ádilet mınıstrligi Sıfrlyq damý, ınnovasııalar jáne aeroǵarysh ónerkásibi mınıstrligimen jáne «Azamattarǵa arnalǵan úkimet» Memlekettik korporasııasy» KEAQ-men birlesip, osy jyldyń qarasha aıynda úıden shyqpaı qurylys salýshydan onlaın formatta páter satyp alýǵa múmkindik beretin «Sıfrlyq ıpoteka» pılottyq jobasyn iske qosady, dep habarlaıdy Egemen.kz.
Mınıstrliktiń habarlaýynsha, bul prosess qurylys salýshynyń platformasyn jáne ekinshi deńgeıdegi bankterdiń aqparattyq júıelerin ıntegrasııalaý arqyly qurylys salýshynyń saıtynda turǵyn úı tańdaýdy, ıpoteka alýdy avtomatty tekserýin qamtıdy.
«Ipotekany maquldaǵannan keıin, kepil sharty jáne satyp alý-satý shartyn resimdeý avtomatty túrde júrgiziledi, mámile taraptarymen qol qoıylady jáne «Jyljymaıtyn múlik tirkelimi» memlekettik derekter qoryna tirkeýge onlaın formatta jiberiledi.
Tirkeý júrgizilgeni týraly habarlama qurylys salýshynyń saıtyndaǵy ótinish berýshiniń jeke kabınetine jiberiledi», delingen Ádilet mınıstrligi habarlamasynda.