Saryaǵash APB-ne belgili bir turǵyn aqbóken múıizin satqany týraly habarlama kelip tústi. Polıseıler bul faktini QR QK-niń 339-baby «Sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdik nemese janýar túrlerin, olardyń bólikterin nemese derıvattaryn zańsyz paıdalaný» boıynsha tirkedi, dep habarlaıdy Egemen.kz.
Saryaǵash aýdanynyń polısııa qyzmetkerleri brakonerdi ustady. Er adam Qaraǵandy oblysynyń turǵyny bolyp shyqty. Ol ustalyp, polısııa bólimine jetkizildi.
Tintý barysynda Qyzyl kitapqa engen kıiktiń 150 múıizi tabyldy. Shyǵyn somasy shamamen bes mıllıon teńgeni qurady. Jınalǵan sotqa deıingi tergeý materıaldary aıyptaý aktisimen birge tergeýshiler zańdy sheshim qabyldaý úshin sotqa jiberildi.
Nátıjesinde, sot qaýlysymen sottalýshyǵa bir jylǵa bas bostandyǵyn shekteý jazasy taǵaıyndaldy.
Túrkistan oblysynyń polıseıleri turǵyndar men qonaqtardy tabıǵatty qorǵaý zańnamasyn buzbaýǵa jáne «Qyzyl kitapqa» engizilgen, quryp ketý qaýpi tóngen janýarlar men ósimdikterge janashyr bolýǵa shaqyrady.