Almaty oblysynda eki kólik soqtyǵysyp, bes adam qaza tapty. Jantúrshigerlik jol apaty Shonjy aýylynyń mańynda boldy, dep habarlaıdy Egemen.kz.
Jol apaty Uıǵyr aýdanyndaǵy Shonjy – Aqsý – Uzyntam tas jolynyń 3-shi shaqyrymynda sársenbi kúni kúndiz bolǵan.
«Audi jáne Nissan kólikteri betpe-bet soqtyǵysyp, otqa orandy. Eki kóliktiń júrgizýshisi, Nissan kóliginiń bir jolaýshysy oqıǵa ornynda jan tapsyrdy. Taǵy úsheýi Shonjy aýylyndaǵy aýrýhanaǵa jatqyzyldy, keıinirek olardyń ekeýi kóz jumdy. 5 jasar qyz jan saqtaý bóliminde jatyr», dep habarlady Almaty oblysy polısııa departamentiniń baspasóz qyzmeti.
Qylmystyq kodekstiń 345-babynyń tórtinshi bóligi (Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý) boıynsha sotqa deıingi tergeý bastaldy, qajetti saraptamalar taǵaıyndaldy.