Memleket basshysy Qasym-Jomart Toqaev dızel otyny tapshylyǵyna qatysty pikir bildirdi, dep habarlaıdy Egemen.kz.
«Qazan aıynda elimizde dızel otynynyń tapshylyǵy baıqaldy. Bul jaǵdaı dızel otyny baǵasynyń ósýine ǵana emes, sonymen birge kólik kompanııalary, Qazaqstan temir joly úshin de problema týyndatty. Sonymen qatar kommýnaldyq jáne jol qyzmetteriniń turaqty jumysyn qamtamasyz etýde táýekelder alyp keldi», dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jınalysta.