Elorda turǵyny polısııaǵa habarlasyp páterinen 8 700 AQSh dollary urlanǵanyn aıtqan, dep habarlaıdy Egemen.kz Nur-Sultan qalalyq Polısııa departamentiniń baspasóz qyzmetine silteme jasap.
Aryz berýshiniń aıtýynsha, ol otbasynda bala kútýshi bolyp jumys isteıtin 35 jastaǵy áıelden kúdiktengen. Kúdikti áıel aryzdanýshyda bıylǵy jyldyń tamyz aıynan bastap jumys istegen. Páter ıeleriniń joqtyǵyn paıdalanyp, ol jatyn bólmesindegi sómkeden aqsha urlaǵan.
Jedel izdestirý sharalary barysynda kúdikti áıel turǵylyqty jeri boıynsha kóp uzamaı ustaldy. Áıelden urlanǵan aqsha tabylyp, tárkilendi. Áıel 2 myń dollardy aıyrbastap alǵan, biraq urlanǵan aqshany paıdalanyp úlgermegen.
Atalǵan fakti boıynsha sotqa deıingi tergeý amaldary júrgizilýde. Kúdikti óz kinásin moıyndady. Elorda aýmaǵynda buryn jasalǵan osyǵan uqsas qylmystarǵa onyń qatysy bar-joǵy tekserilýde.