Ankarada Túrkııa Prezıdenti Ákimshiligi janyndaǵy Ulttyq kitaphanada Qazaqstan men Túrkııanyń kórnekti saıası jáne qoǵam qaıratkerleriniń qatysýymen «Túrki álemi: tarıh, qazirgi zaman, bolashaq» halyqaralyq konferensııasy ótti, dep jazady Egemen.kz.
Qazaqstan Respýblıkasy Táýelsizdiginiń 30 jyldyǵyna arnalǵan is-shara Qazaqstan Respýblıkasynyń Tuńǵysh Prezıdenti – Elbasy kitaphanasy, «Elbasy Aakademııasy» korporatıvtik qory, Qazaqstan Respýblıkasynyń Syrtqy ister mınıstrligi jáne Qazaqstan Respýblıkasynyń Túrkııa Respýblıkasyndaǵy Elshiligimen birlese uıymdastyryldy.
Konferensııanyń maqsaty – túrki órkenıetiniń tarıhı-mádenı jáne rýhanı murasyn jańǵyrtý úderisterin, Elbasynyń túrki halyqtarynyń birligine qosqan úlesi men rólin, túrki álemi ıntegrasııasyn damytýdy talqylaý.
Konferensııaǵa Qazaqstan Respýblıkasynyń Túrkııa Respýblıkasyndaǵy Elshisi Abzal Saparbekuly moderatorlyq etti. Qatysýshylar túrki tarıhy men mádenıetin odan ári zerdeleý, ilgeriletý, nasıhattaý boıynsha ózara pikir almasty.
Qazaqstan Respýblıkasynyń Tuńǵysh Prezıdenti – Elbasy kitaphanasynyń dırektory Baqytjan Temirbolat óz sózinde: «Qazaqstan men Túrkııanyń baýyrlastyǵy HHI ǵasyrda túrki ıdeıasynyń jańǵyrýyna jáne Túrki keńesiniń qurylýyna negiz boldy. Nátıjesinde Ázerbaıjan, Qazaqstan, Qyrǵyzstan, О́zbekstan, Túrkııa elderi tyǵyz yntymaqtastyqty qaıta jandandyrdy. Bıylǵy naýryzda ótken Túrki keńesiniń otyrysynda Túrkistan qalasyn túrki áleminiń rýhanı astanasy dep taný týraly deklarasııanyń qabyldanýy aıryqsha oqıǵaǵa aınaldy. Sammıttiń qorytyndysy boıynsha Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev «Túrki órkenıeti damýynyń jańa kezeńi bastalǵanyna» senim bildirdi. Osynyń alǵashqy belgilerine bárimiz kýá bolyp otyrmyz», dep atap ótti.
«2009 jyly Nazarbaevtyń bastamasymen Túrki keńesi quryldy. Qazaqstan men Túrkııa – ejelden beri yntymaqtasqan, baýyrlastyq qarym-qatynas ornatqan memleketter. Bul kórme bizdiń yntymaqtastyǵymyzdy jalǵastyrý úshin uıymdastyryldy», – dedi Túrkııa Prezıdenti Ákimshiligi janyndaǵy Ulttyq kitaphananyń dırektory Aıhan Týglý.
Konferensııada TÚRKSOI bas hatshysy Dúısen Qaseıinov baıandama jasady: «Otyz jyl – adam ǵumyrymen sanaǵanda uzaq merzim, alaıda memleket ǵumyrynda qysqa kezeń. Dese de bul ýaqyttyń ishinde Qazaqstan men Túrki álemi zaman talabyna saı bir qatar mańyzdy jumystardy atqardy. Bul jetistikterge egemen memleketti tolyq qurý, ulttyq mádenıetti jańǵyrtý, ulttyq biregeılikti qalyptastyrý, halyqaralyq qoǵamǵa qosylý jatady. Sonyń arqasynda sońǵy 30 jyl Túrki álemindegi yntymaqtastyq pen ıntegrasııa salasynyń jemisine toly boldy».
«Qaı zamanda bolsyn, qoǵamnyń qozǵaýshy kúshi – jas órender. Álem boıynsha túrki halyqtarynyń sany 200 mıllıon bolsa, onyń 30 mıllıonǵa jýyǵy – jastar. Osy oraıda Elbasy N.Á. Nazarbaevtyń jastarǵa usynǵan «El úmiti» bastamasy túrki dúnıetanymyna negizdelgen. Bastama aıasynda Nursultan Nazarbaev qory men Elbasy akademııasy baýyrlas halyqtardyń qarym-qatynasyn nyǵaıtý maqsatynda jastardy tamyry ortaq túrki eliniń mádenıetimen tanystyryp, túrkitildes memleketterdiń tarıhı tulǵalaryn, olardyń ómir jolyn, ǵylym men ónerge, ádebıetke qosqan úlesin aıqyndaý sharalaryn uıymdastyrýdy kózdeıdi», dedi óz baıandamasynda «Elbasy Akademııasy» korporatıvtik qorynyń basqarýshy dırektory Anýar Janǵozın.
Sondaı-aq konferensııada Halyqaralyq Túrki akademııasynyń vıse-prezıdenti Fızýlı Medjıdlı baıandama jasady.
Konferensııa qorytyndysy boıynsha Elbasy kitaphanasy Túrkııa Prezıdenti Ákimshiligi janyndaǵy Ulttyq kitaphanasymen memorandýmǵa qol qoıdy.