Amerıkanyń Hıýston qalasynda (Tehas shtaty) Astroworld mýzykalyq festıvalinde 300-ge jýyq adam taptalyp qalǵan, segizi qaza tapty, dep jazady Egemen.kz VVS-ge silteme jasap.
Oqıǵa festıvaldiń alǵashqy kúni – juma, jergilikti ýaqytpen saǵat 21:15-te reper Trevıs Skott óner kórsetip jatqanda boldy. Skott óner kórsetip jatqanda kórermender sahnaǵa qaraı jyljı bastaǵan. Saldarynan adamdar keptelip, dúrbeleń bastalǵan.
17 adam aýrýhanaǵa jetkizildi, olardyń 11-inde júrektiń toqtaýy boldy. Keıinirek 8 adamnyń kóz jumǵany anyqtaldy. 300 adam túrli jaraqat alǵan. Houston Chronicle gazetiniń jazýynsha, Trevıs Skott konsertti birneshe ret toqtatyp, kúzetshilerden sahna mańyndaǵy kórermenderdiń amandyǵyna kóz jetkizýlerin suraǵan.
Konsertte barlyǵy 50 myń kórermen bolǵan. Uıymdastyrýshylar jeksenbige josparlanǵan konsertti ótkizbeıtin boldy.