Búgin fýtboldan Qazaqstan kýbogynyń jartylaı fınaly aıasynda alǵashqy oıyndar aıaqtaldy, dep habarlaıdy Egemen.kz.
Búgin elordalyq «Astana» men Almatynyń «Qaıraty» ózara sheberlik baıqasty.
Atalǵan oıynǵa túrli sebepterge baılanysty elordalyq klýb Marın Tomasov, Tıgran Barsegıan, Islambek Qýat jáne ózge de kóshbasshy oıynshylardy qosa alǵan joq.
Soǵan qaramastan birinshi kezeńde «Astana» fýtbolshylary Stas Pokatılov qaqpasyna birneshe ret qaýip tóndirdi.
Degenmen birinshi kezeńniń 45-mınýtynda almatylyq klýbtan Rade Dýgalıch mergendik tanytty. Ekinshi kezeńde olardyń qatarynan Hose Kante 67, Artýr Shýshenachev 72-mınýttarda kózdegen nysanadan múlt ketken joq.
Osylaısha «Qaırat» syrt alańda «Astanany» 3:0 esebimen oısyrata utty.