QR Premer-Mınıstri Asqar Mamın jumys sapary aıasynda Jambyl oblysynyń áleýmettik-ekonomıkalyq damýymen tanysyp, óńirdegi ınvestısııalyq jobalardyń iske asyrylý barysyn tekserdi, dep habarlaıdy Egemen.kz QR Premer-Mınıstriniń baspasóz qyzmetine silteme jasap.
Qordaı aýdanynyń Gvardeıskıı kentinde Úkimet basshysy QR BǴM Bıologııalyq qaýipsizdik problemalary ǵylymı-zertteý ınstıtýtynyń (ǴZI) ımmýnobıologııalyq preparattar shyǵaratyn bıofarmasevtıkalyq zaýytynda boldy. Munda jyl saıyn 60 mln. dozaǵa deıin vaksına shyǵarý josparlanyp otyr.
Premer-Mınıstr BSL-3 standartyndaǵy sýbstansııalar óndiretin zaýyttyń óndiristik qýatyn damytý jobalarymen, sondaı-aq ǴZI-dyń turǵyn úı jáne áleýmettik-mádenı ınfraqurylymymen tanysty.
Baızaq aýdany Jańaturmys aýyldyq okrýginiń Qaınar aýylynda Úkimet basshysyna bıylǵy 26 tamyzda oq-dári qoımasyndaǵy jarylys saldarynan qıraǵan barlyq turǵyn úıdi qalpyna keltirý jumystarynyń aıaqtalǵany týraly baıandaldy. Premer-Mınıstr zaqymdanǵan úılerdiń turǵyndarymen kezdesý ótkizdi.
A.Mamın Baızaq aýdanyndaǵy sharýa qojalyqtarynyń biriniń astyq jınaý naýqanynyń qorytyndylarymen tanysyp, «Jambyl» kóterme-taratý ortalyǵyna, áleýmettik azyq-túlik dúkenine baryp, Jambyl oblysynda shyǵarylatyn azyq-túlik ónimderiniń kórmesin aralady. Úkimet basshysyna óńirdegi áleýmettik mańyzy bar azyq-túlik taýarlary baǵasynyń turaqtylyǵyn qamtamasyz etý jónindegi sharalar týraly baıandaldy.
Shý aýdanyndaǵy «Taraz hımııalyq parki» arnaıy ekonomıkalyq aımaǵyn aralaý barysynda Úkimet basshysyna hımııa jáne azyq-túlik ónerkásibindegi jalpy somasy 143,3 mlrd. teńge bolatyn perspektıvaly ınvestısııalyq jobalar tanystyryldy.
Qýaty jylyna 25 myń tonna natrıı sıanıdin óndirý jónindegi jobany 2023 jyldyń sońyna deıin aıaqtaý kózdelgen. Kásiporyn ónimi QR-nyń ishki qajettilikterin tolyq qamtamasyz etedi, sondaı-aq Ortalyq Azııa men EAEO elderine eksporttalatyn bolady.
Qazaqstannyń AО́K salasyndaǵy iri jobalarynyń biri – jylyna 148,8 myń tonna aq qant shyǵaratyn qant zaýytynyń salynýy. Ony 2023 jyly paıdalanýǵa berý josparlanǵan. Joba tolyǵymen óz shıkizatymen qamtamasyz etiledi.
Taraz qalasynda Úkimet basshysy medısınalyq buıymdar shyǵaratyn «Ámir jáne D» JShS-da boldy. Bıylǵy qazan aıynda kásiporyn COVID-19 antıgenin anyqtaıtyn ekspress-testter shyǵara bastady. Munda ınfeksııalyq aýrýlardy, kardıologııalyq markerlerdi, esirtki zattaryn, allergenderdi jáne t. b. dıagnostıkalaý úshin 200-den astam ekspress-test ataýyn shyǵarý josparlanýda. О́ndiristik qýaty jylyna 15 mln ekspress-test pen 1,5 mln baqylaý eritindisin quraıdy.
A. Mamın «Kóne Taraz» tarıhı-etnomádenı ortalyǵynyń aınalasyndaǵy aýmaqty rekonstrýksııalaý josparymen, sondaı-aq Taraz qalasynyń turǵyn úı, medısına, kólik ınfraqurylymy men tirshilikti qamtamasyz etý obektilerin damytý jobalarymen tanysty.
2021 jyldyń 10 aıynda Jambyl oblysynda ónerkásip óndirisiniń kólemi 491,1 mlrd teńgeni qurady, bul ótken jyldyń sáıkes kezeńimen salystyrǵanda 5%-ǵa artyq. Aýyl sharýashylyǵynyń jalpy ónim kólemi 377,5 mlrd teńgege jetti (+0,1%). Negizgi kapıtalǵa salynǵan ınvestısııalar ósimi 11,1%-dy qurady. Qurylys kólemi 7,3%-ǵa ósti, óńirde 535,9 myń sharshy metr (+16,4%) turǵyn úı paıdalanýǵa berildi.
Jumys saparyna Jambyl oblysynyń ákimi Berdibek Saparbaev, ındýstrııa jáne ınfraqurylymdyq damý mınıstri Beıbit Atamqulov, energetıka mınıstri Maǵzum Myrzaǵalıev, densaýlyq saqtaý mınıstri Alekseı Soı, mádenıet jáne sport vıse-mınıstri Erjan Erkinbaev, «Azyq-túlik kelisim shart korporasııasy» UK» AQ basqarma tóraǵasy Saparhan Omarov jáne t. b. qatysty.