Qaraǵandy oblysynda bes jylǵa sottalǵan kelinshek on kitap oqyp shyqqany úshin jaza ýaqytyn úsh jylǵa qysqartyp, merziminen buryn bostandyqqa shyqty, dep habarlaıdy Egemen.kz.
Resmı málimetke sáıkes, bıyl qańtar aıynda Qaraǵandy oblysy boıynsha qylmystyq atqarý júıesi departamenti erekshe bastamany qolǵa aldy. «Sheksiz kitap oqý« jobasy aıasynda kitap oqyǵan sottalǵandar jeńildikke ıe bolady. Naqty talap ta bar. Kitapty oqyp shyqqannan keıin mazmunyn aıtyp berý kerek, ıa bolmasa, esse jazý qajet. Emtıhandy sátti tapsyrǵan jaǵdaıda arnaıy komıssııa túrmege qamalǵan adamdy yntylandyrýǵa sheshim shyǵarady.
Osy jobaǵa AK-159/9 mekemesinde jazasyn ótep júrgen Lıdııa esimdi kelinshek te qatysty. Ol kitap oqyǵan adamǵa jeńildik beriledi degendi estigen boıda qatysýǵa nıet bildirdi.
«Ol aldymen birneshe kórkem ádebıetti oqyp shyqty da, mazmunyn aıtyp berdi. Sol úshin marapat aldy. Odan keıin taǵy birneshe kitapty oqyp shyqqan. Oǵan da yntalandyrý berildi. Sóıtip, 10 kitapty oqyp shyqqany úshin eki márte kózge tústi. Osylaısha, Lıdııany merziminen buryn bosatýǵa sheshim qabyldandy», deıdi AK-159/9 mekemesi bastyǵynyń orynbasary Názıra Qadyrova.
Lıdııa salyq tóleýden jaltarǵany úshin bes jylǵa bas bostandyǵynan aıyrylyp, Qaraǵandy oblysynyń áıelder kolonııasynda eki jyl otyryp shyqty. Ol «Sheksiz kitap oqý» jobasyna qatysyp, jaza merzimin úsh jylǵa qysqartty.
Qazirgi kezde osy jobaǵa 50 adam qatysyp jatyr.