Qazaqstanda pandemııaǵa baılanysty kásiporynnyń qyzmetti toqtatýyna baılanysty 3,6 myń adam ýaqytsha jumyssyz júr. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy Egemen.kz.
2021 jylǵy úshinshi toqsanda Qazaqstanda 8,8 mln adam eńbekpen qamtylǵan. Olardyń arasynda 6,7 mıllıony nemese jumyspen qamtylǵandardyń jalpy sanynan 76,1% - jaldamaly qyzmette isteıdi.
Elimizdegi jumyssyzdar sany – 450,7 myń adam, jumyssyzdyq deńgeıi – 4,9%. Vedomstvo málimetine sáıkes, elimizde eńbek naryǵy qalpyna kele bastady. Máselen, bıylǵy úshinshi toqsanda ekinshi toqsanmen salystyrǵanda negizgi jumys ornynda jumys kóleminiń tómendeýine nemese jumys berýshiniń bastamasy boıynsha az saǵatqa eńbekke tartylǵandar sany 5,3 paıyzǵa azaıdy jáne 242,9 myń adamdy qurady.
Qyzmetti toqtatý sebebine baılanysty ýaqytsha jumys istemeıtinder sany 3,6 myń bolyp otyr. Onyń ishinde 19,7% - kólik jáne jınaqtaý, 15,5% - turý jáne tamaqtaný boıynsha qyzmet kórsetý, 15,3% - óner, oıyn-saýyq jáne demalys. Jumyspen qamtý organdarynda 2021 jylǵy qazan aıynyń sońyna 193,5 myń adam jumyssyz retinde resmı tirkelgen. Tirkelgen jumyssyzdar úlesi jumys kúshi sanynyń 2,1% qurady.