Túrkitildes memleketter yntymaqtastyǵy keńesi (Túrki keńesi) elderiniń basshylary Túrkııa Prezıdenti Rejep Taıyp Erdoǵannyń tóraǵalyǵymen Túrki keńesiniń VIII sammıti ótetin Ystanbul mańyndaǵy «Demokratııa jáne bostandyq» aralyna keldi, dep habarlaıdy Egemen.kz «Anadoly» agenttigine silteme jasap.
Prezıdent Erdoǵan qaıyqta Túrikmenstan, Ázirbaıjan Prezıdentteri jáne Vengrııa Premer-Mınıstrimen sóılesti.
Aralǵa kelgen sammıtke qatysýshylardy vıse-prezıdent Fýat Oktaı men «Ádilet jáne damý» partııasy tóraǵasynyń orynbasary Chıgdem Karaaslan qarsy aldy.
Sammıtke Ázirbaıjan Prezıdenti Ilham Álıev, Qazaqstan Prezıdenti Qasym-Jomart Toqaev, Qyrǵyzstan Prezıdenti Sadyr Japarov, О́zbekstan Prezıdenti Shavkat Mırzııoev jáne Túrkimenstan Prezıdenti Gýrbangýly Berdimuhamedov qatysady.
«Sıfrlyq dáýirdegi jasyl tehnologııalar men aqyldy qalalar» uranymen uıymdastyrylǵan sammıtke Vengrııanyń Premer-Mınıstri Vıktor Orban men Túrki keńesiniń bas hatshysy Baǵdat Ámreev te qatysady.