Úsh jetkinshek vırýs juqtyrdy

Pandemııa bastalǵaly Aqtóbe oblysynda 34 649 adam aýyryp shyqsa, onyń 76,4%-y sımptomdy túrine shal­dyqqandar. Naý­qas­tan­ǵandardyń arasynda 40-49 jas arasyndaǵylar KVI-ge eń kóp shaldyqqan. Pan­demııa bastalǵaly oqý­shy­lar arasynda 981 jaǵdaı tir­kelse, 156 mektepten vırýs juqtyrǵan oqýshylar anyqtaldy. Onyń 73%-y qala mek­tepterinen, 27%-y aýdan mek­tepteri oqýshylary arasynan shyqty. 15 mektep synyby karantınge jiberilip, oqýshylar oqshaýlandy.

Aqtóbe oblysy «jasyl aı­maqta» qalyp otyr. Sońǵy aptada aýrýdyń tómendeýi baıqalady. Soǵan qaramastan baqylaý jumystary jal­ǵa­syp jatyr. Ashyq jú­ıesi boıynsha «sary» sta­týs­taǵy 105 adamnyń karan­tın talapta­ryn buzǵany anyq­talyp, qo­ǵamdyq ortada júr­gen «qy­zyl» statýsy bar 118 adam­­ǵa ákimshilik is qoz­ǵa­l­yp, aıyp­pul salyndy. Jalpy, pandemııa bastalǵaly ka­­rantın talaptaryn buz­ǵan­­darǵa 5 206 824 teńge aıyp­pul salyndy. Qarasha aıy bastalǵaly Aqtóbe oblysynda koronavırýs inde­ti báseńdeý baıqalsa da, álem­­degi epıdemıologııalyq jaǵ­daı qaıta kúrdelenip ba­rady. Sońǵy onkúndikte Re­seı men Eýropa elderinde, Ýkraı­nada indettiń órshýi baıqalady. Tóńirektegi ahýal­ eli­miz turǵyndarynan da qa­rapaıym saqtyq ereje­le­rin qatań saqtaýdy talap etedi. Burynǵysynsha adamdardyń betperde kııýi, ara­qashyqtyq saqtaý, dezın­fek­sııalyq qorǵanysh zat­taryn qorǵanýdan qash­pa­ǵan jón.

Eń basty qorǵanysh – ekpe alý. Bir aıta keterligi, jalpy, indetke shaldyqqandar arasynan ekpe alǵan 129 adam aýyryp shyqty. Ekpe alyp, syr­qatqa shaldyqqandar ara­­synda ólim jaǵdaıy tir­kelmegen. Bul barlyq tirkelgen aýrý sanynyń 0,12 paıyzyn qu­ra­dy. Osy kór­setkish vak­sı­na­nyń tıim­di­ligin dá­lel­de­di. Indet bas­tal­ǵaly Aqtóbe oblysynda 34 649 jaǵdaı tirkelse, sonyń ishinde 0,12 paıyzy vaksınanyń tolyq kýrsyn alǵandardan shyqty. Koronavırýsqa qarsy ekpe alǵan 129 turǵynnyń syr­qat­qa shaldyǵýy jalpy osy indetpen tirkelgen barlyq aýrý sanynyń 10-12%-yn ǵana quraǵan.

Aqtóbe oblysy