О́zekti máseleler zerdelendi

«Jastar» ǵylymı-zertteý ortalyǵynyń dırektory Aıan Saqoshevtyń sózine qaraǵanda, bıylǵy jyly Ulttyq baıandama el Táýelsizdiginiń 30 jyldyǵy aıasynda daıyndalǵan. Atap aıtqanda, baıandamada 10-20-30 jas aralyǵyndaǵy jastar ortasynyń damý dınamıkasyna salystyrmaly taldaý jasalǵan. Qujatty daıyndaý barysynda áleýmettik úrdister men qazirgi damý zańdylyqtaryna sapaly taldaý júrgizý maqsatynda 4 áleýmettik zertteý, sondaı-aq sarap­tamalyq jáne ǵylymı qaýym­dastyqpen áleýmettik konsýltasııalar júrgizilgen.

Qoldanbaly etnosaıası zert­teýler ınstıtýty dırekto­ry­nyń orynbasary Dana Áshim­hanova baıandamanyń ǵy­lymı avtorlarynyń biri retin­de jas­tardyń qoǵamdyq-saıa­sı proses­terge tartylýyna sarap­tama­lyq baǵa berdi. Ol jastar orta­syndaǵy ózekti trendterdi aıtyp berdi. Onyń aıtýynsha, bú­gingi tańda joǵary utqyrlyq, zama­naýı teh­no­lo­gııalardy paıdalaný qar­qy­ny jáne salamatty ómir salty eń tanymal trendterge aınalyp otyr.

L.N.Gýmılev EUÝ Halyq­ara­­lyq qatynastar fakýlteti Aımaqtaný kafedrasynyń do­sen­ti Jasulan Nurbaev óz só­zin­de ­jastar úshin bilimniń qol­jetimdiligi men sapasyna na­zar aýdaryp, birinshi kezekte qala­lyq jáne aýyldyq mek­tepter arasyndaǵy alshaqtyqty atap ótti. Ol sondaı-aq qazir­gi tendensııa­lar men bola­shaq­ta suranysqa ıe bolatyn ma­man­dyqtar, jas­tar­dyń ǵy­lym­­­­daǵy múmkindikte­ri men ­pers­­­­pektıvalary týraly aıtty.

Prezıdent janyndaǵy Qa­zaq­stan strategııalyq zertteý­ler ıns­tıtýty Áleýmettik-saıası zert­teýler bóliminiń basshysy Indıra Rystına memlekettik jas­tar saıasatynyń 30 jyldaǵy damý hronologııasymen tanystyrdy. Ol osy jyly memlekettik jas­tar saıasatyn iske asyrýdyń ja­ńa kezeńi bastalǵanyn jetkizdi, oǵan jańa zańnamalyq bastamalar, jas­tardy damytý ındeksin engizý, jastardy qoldaýdyń 2021-2025 jyldarǵa arnalǵan ke­shendi josparyn iske asyrý kiredi.

О́z kezeginde Aqparat jáne qoǵamdyq damý mınıstrligi Jas­tar jáne otbasy isteri komı­tetiniń tóraǵasy Shahmardan Baı­manov qazaqstandyq jas­tardyń ózekti máselelerin sheshý­de memlekettiń, ǵylymı-sarap­shylyq qaýymdastyqtyń jáne jastardyń ózara is-qımylynyń mańyzdylyǵyna toqtaldy.

«Prezıdent Qasym-Jomart Toqaevtyń bastamasymen qolǵa alynǵan «Halyq únine qulaq asatyn memleket» tujyrymdama­sy aıasynda jalpy birlesip jasaıtyn jumystar jahandyq damýdyń zamanaýı syn-qater­lerine der kezinde jaýap berýge múmkindik beredi», dedi ol.

Kezdesý qorytyndysy bo­ıynsha sarapshylar «Qazaqstan jastary – 2021» Ulttyq baıandamasyn mańyzdy qujat jáne is júzinde ǵylymı eńbek dep tanydy.

Qujatta qazaqstandyq jas­­tardyń turmys-tirshi­ligi­niń ne­gizgi salalaryndaǵy qalyp­tas­qan jaǵdaılarǵa jan-jaqty taldaý usynylǵan. Baıandama avtorlary men sarapshylar jas urpaqtyń birinshi kezek­te­gi qajettilikterin anyqtady. Son­daı-aq baıandamanyń ár tara­ýynda kórsetilgen negizgi trend­terdi, qyzyǵýshylyqtar men suranystaryn anyqtaýǵa múm­kindik beretin úlken ǵylymı jumys atqardy. «Jastar» ǴZO 2013 jyldan bastap jyl saıyn «Qazaqstan jastary» Ulttyq baıan­damasyn daıyndap kele jat­­qanyn atap ótý qajet.

Is-shara sanıtarlyq-epıde­mııa­lyq normalardy saq­taı oty­ryp, onlaın jáne oflaın reji­minde ótti.

Aıta keteıik, sarapshylar jıy­nyna memlekettik jáne jer­gilikti atqarýshy organdardyń, jastar uıymdary men resýrstyq ortalyqtardyń qyzmetkerleri, sondaı-aq Prezıdent janynda­ǵy Qazaqstannyń strategııalyq zertteýler ınstıtýtynyń, Qol­danbaly etnosaıası zertteýler ıns­tıtýtynyń, «Rýhanı jań­ǵyrý» qazaqstandyq qoǵam­­dyq damý ınstıtýty men «Qoǵam­dyq pikir» ınstıtýtynyń, L.N.Gý­mı­lev atyndaǵy Eýrazııa ult­tyq ýnıversıtetiniń jetekshi ǵy­lymı qyzmetkerleri qatysty.