Shymkentte jergilikti taýar óndirýshiler shyǵaratyn ónim túrleriniń kórmesi ashyldy. Qala ekonomıkasynyń tiregi sanalatyn 100-ge jýyq kásiporyn úsh kún boıy sozylatyn kórmege óz taýarlaryn usyndy, dep habarlaıdy Egemen.kz.
Táýelsizdik jyldarynda Shymkent qalasynyń ekonomıkasy edáýir túrlendi. Megapolıste qurylys ındýstrııasy, mashına jasaý, munaı-hımııa, jeńil ónerkásip, tamaq óndirisi, tekstıl ónerkásibi, farmasevtıka, aýyl sharýashylyǵy ónimderin tereń óńdeý jáne basqa da óndiristik salalar qalyptasty.
Kórmeniń ashylý rásimine qala ákimi Murat Áıtenov qatysyp, kásiporyndar shyǵaratyn ónim túrlerimen tanysty.
«Memleket basshysynyń bıylǵy Joldaýynda ekonomıkany ártaraptandyrý, óndiriletin taýarlardyń túrin kóbeıtip, eksport geografııasyn keńeıtý jóninde naqty tapsyrmalar berildi. О́ńdeý ónerkásibiniń eksportyn kóbeıtý, eńbek ónimdiligin arttyrý baǵytynda qalamyzdyń ónerkásip kólemi jyl aıaǵyna deıin 711,5 mlrd teńgege jetedi, óndirilgen ónimniń 87%-yn óńdeý ónerkásibi quraıdy. Qaladaǵy 4 óndiristik aımaqta 118 joba júzege asyp, 21 myńǵa jýyq jumys oryndary ashyldy. Bıylǵy jyldyń ózinde jańadan 5 joba júzege asyrylyp, 203 jumys orny ashyldy», dep atap ótti qala basshysy.
Qalanyń óndiristik áleýetin arttyrý maqsatynda jańadan eki ındýstrıaldy aımaqtyń qurylysy bastaldy. Onyń ishinde «Juldyz» ıdýstrıaldy aımaǵynda qurylys, metallýrgııa, farmasevtıka, jıhaz ónerkásibi shoǵyrlanatyn bolady. Al «Standart» jeke ındýstrıaldy aımaǵy shaǵyn jáne orta kásipkerlik sýbektileriniń óndiristik alańy retinde qyzmet kórsetpek. Munda zamanaýı qoımalar, shaǵyn óndiristik sehtar ashylatyn bolady. Tamaq óndirisi salasynda aýylsharýashylyq ónimderin tereń óńdeýge basymdyq berildi. Bul baǵytta «Bozaryq» tamaq ónerkásibi aımaǵynyń ınjenerlik júıeleri júrgizilýde. Munda 23 mlrd teńgeni quraıtyn 1 800 jumys orny men 20-dan astam joba iske asyrylady.
Sonymen qatar, qosymsha 198 gektar jerge agroındýstrıaldy aımaq qurý josparlandy. Munda zamanaýı ónerkásiptik jylyjaı̆ keshenderi salynady.
Bıyl aýyl sharýashylyǵy ónimderiniń kólemi 37 mlrd teńgege jetedi dep josparlanǵan. Bıylǵy jyly jylyjaı, qarqyndy baý, mal bordaqylaý, et óńdeý boıynsha 15 ınvestısııalyq joba júzege asty. Jyl sońyna deıin osy sanattaǵy taǵy 10 joba iske qosylmaq.
Shymkenttiń óndiristik qýatyn quraıtyn bul jobalar ishki naryqty otandyq ónim túrlerimen tolyqtyryp, elimizdiń eksporttyq áleýetin arttyrýǵa qyzmet etedi.
Shymkentte shyǵatyn ónimder kórmesi aldaǵy ýaqytta turaqty túrde ótetin tanystyrylymdyq sıpattaǵy alań retinde qyzmetin jalǵastyrady. Onyń aıasynda daıyn ónimderdi ótkizý naryǵyn qarastyrý, eksportqa beıimdelgen taýar túrlerin ilgeriletýge múmkindikter ashý, shyǵarylǵan ónimderdiń ST-KZ otandyq sapa standarty talaptaryna saı bolýyn uıymdastyrý, iskerlik baılanystardy arttyrý mindetteri boıynsha jumystar júrgiziledi.