Shymkentte áýe jelileriniń úzilýinen 14 700 turǵyn jaryqsyz qaldy, dep habarlaıdy Egemen.kz.
Shymkent qalasynyń Tótenshe jaǵdaılar departamenti 17 qarasha kúni saǵat 10.00-den bastap aýa raıynyń qolaısyzdyǵyna baılanysty áýe elektr symdary men elektr qýatynyń úzilgenin habarlady. 14 700 turǵyn jaryqsyz qaldy. «Ońtústik Jaryq Tranzı» mekemesi sol kúni 7491-ne jaryq qosty.
«18 qarasha kúni saǵat 09.00-degi jaǵdaı boıynsha «Ońtústik Jaryq Tranzıt» JShS (16 brıgada, 59 jumysshy jáne 11 birlik tehnıka) jóndeý-qalpyna keltirý jumystaryn aıaqtap, 7159 turǵynǵa elektr jabdyǵyn qosty», dep habarlady.
Osydan keıin taǵy 50 abonent jaryqsyz qaldy. Olarǵa saǵat 13.00-ge deıin energııany qalpyna keltirýge ýáde berdi.Eske salaıyq, 17 qarashada Shymkentte qarly boran boldy. Jeldiń ekpini sekýndyna 25 metrge jetti.