Nur-Sultanda B.Momyshuly dańǵyly men M.Jumabaev kóshesiniń qıylysynda jol-kólik apaty boldy, dep habarlaıdy Egemen.kz.
«20 qarashasynda shamamen saǵat 23:35-te «Mersedes» markaly avtokóliginiń 20 jastaǵy júrgizýshisi B. Momyshuly dańǵylynan M. Jumabaev kóshesine burylǵanda rýldi basqara almaı, qarsy qozǵalys jolaǵyna shyǵyp ketken. Saldarynan qarsy baǵyttan týra kele jatqan «Kıa» jáne «Lada» markaly eki avtokólikpen soqtyǵysqan», dep habarlady qalalyq Polısııa departamentiniń baspasóz qyzmeti.
Apat saldarynan «Kıa» jáne «Mersedes» júrgizýshileri aýrýhanaǵa jetkizildi. Sońǵysy dárigerlerdiń qaraýynan keıin úıine jiberildi.
«Atalǵan faktiniń mán-jaıy anyqtalyp jatyr. Polısııa departamenti júrgizýshilerge jol erejelerin qatań saqtaýdy jáne joldarda óte muqııat bolýdy eskertedi», deıdi Polısııa departamentiniń ókili.