Orta salmaq dárejesinde baq synap júrgen qazaqstandyq kásipqoı boksshy Jánibek Álimhanuly áleýmettik jelilerde osy jyly jaqsy qarsylastardy jeńgenin jazyp, aldaǵy ýaqytta chempıondyq shaıqasqa shyǵýdan úmitti ekenin jetkizdi, dep habarlaıdy Egemen.kz.
«Allaǵa shúkir, biz mańyzdy kezeńnen óttik. Osy jyly bir emes eki birdeı álemniń eks chempıonyn jeńdik. Buıyrsa aldaǵy ýaqytta álem chempıony ataǵyna talasatyn bolamyn. Sońǵy jańalyqtardan habardar shyǵarsyzdar. О́z salmaǵymdaǵy kez kelgen chempıonmen shyǵýǵa daıynmyn. Qoldaýlaryńyzǵa kóp raqmet! Qazaq stıli álemdegi nómiri birinshi stıl», delingen Jánibektiń áleýmettik jelilerdegi jazbasynda.
Iá, Jánibek 2021 jyly Rob Brant, Hassan Ndam Njıkam sekildi álem chempıondarynan aılasyn asyrǵan bolatyn. Ol kelesi jyly WBO tujyrymy boıynsha álem chempıony Demetrıýs Andrademen judyryqtasýy yqtımal.