Nur-Sultan qalasy Saryarqa aýdandyq №2 soty «Astana» sport kesheniniń júzý nusqaýshysy T-ǵa úkim shyǵardy, dep habarlaıdy Egemen.kz.
Sot barysynda nusqaýshy T basseınge kelýshilerdiń qaýipsizdigin qamtamasz etýdegi mindetterin durys oryndamaı, sonyń saldarynan E sýǵa batyp, qaza tapqan. Sot otyrysynda prokýror T-ny 5 jylǵa bas bostandyǵynan aıyrýdy, al zardap shegýshi tarap ony 8 jylǵa sottaýdy surady.
Sottalýshy óz kinásin moıyndaǵan joq jáne áreketinde qylmys quramynyń joqtyǵyna baılanysty, isti toqtatýdy ótindi. Sot T-nyń zardap shegýshige medısınalyq kómek kórsetýge tyrysýyn onyń kinásin jáne jazany jeńildetetin shara dep tanydy.
QR QK 306-baby 3-tarmaǵynda kózdelgen qylmystyq quqyq buzýshylyq abaısyzda jasalǵan qylmysqa jatady. Onda 4-ten 8 jylǵa deıin bas bostandyǵynan aıyrý jazasy qarastyrylǵan.
«Atalǵan iske qatysty jaza 4 jyldan aspaýy tıis. Sot sottalýshynyń jeke basyn, zardap shegýshi taraptyń ustanymyn qaperge ala otyryp, T-ny 4 jylǵa bas bostandyǵynan aıyrdy.
Basseın ıegeri «Arnaýly qamtamasyz etý ortalyǵy» JShS-nan zardap shegýshi tarapqa 10 mln teńge moraldyq zalal ótemaqysy óndirip alyndy. Sot úkimi zańdy kúshine engen joq», delingen Astana qalalyq soty taratqan aqparatta.