Argentına quramasy men Fransııanyń «PSJ» fýtbol klýbynyń shabýylshysy Lıonel Messı jyl úzdigine beriletin «Altyn dop – 2021» syılyǵyn jetinshi márte ıelendi, dep habarlaıdy Egemen.kz.
34 jastaǵy fýtbolshy óziniń basty qarsylastary Robert Levandoskıı men Jorjınodan daýys sany boıynsha basym tústi. Jetinshi márte top jarǵannan keıin Messı tolqyp turyp sóz sóıledi.
«Men kezekti márte osy jerden tabylǵanym úshin baqyttymyn. Jańa jeńisterge jetý jolynda barymdy salatyn bolamyn. Árıne, men endi qansha jyl mansabymdy jalǵastyratynymdy bilmeımin. Alaıda jasyl alańda uzaq ýaqyt dop tepkim keledi. «Barselona», «PSJ», Argentına ulttyq quramasynda oınaıtyn áriptesterime zor alǵysymdy aıtamyn. Ulttyq quramamen Amerıka kýbogyn utyp alǵanyma bek qýanyshtymyn.
Levondovskıımen básekeles bolý men úshin mártebe ekeni ras. Robert, sen altyn dopty ótken maýsymda ıelenýge tıis bolatynsyń. Ony bári moıyndaıdy. France Football sol marapatty saǵan tapsyrýy kerek. Sen – jeńimpazsyń. Sondyqtan seniń de altyn dobyń bolǵany durys», dedi Messı óz oıyn túıindep.