Baıqońyr qalasynda kópsalaly aýrýhananyń bas dárigerine qatysty tergeý júrgizilýde, dep habarlaıdy Egemen.kz.
«Tergeý barysynda 2020 jyldyń jeltoqsanynda Baıqońyr qalasynyń kópsalaly aýrýhanasynyń bas dárigeri óziniń laýazymdyq jaǵdaıyn asyra paıdalanǵan. Ol osy medısınalyq mekemege tıesili 2 mln 500 myń teńgeden astam qarajatty ózine syıaqy retinde taǵaıyndap, aqsha jymqyrǵany anyqtaldy», dep habarlady «Baıqońyr» kesheniniń prokýratýrasy.
Qazirgi ýaqytta qylmystyq is boıynsha jasalǵan árekettiń barlyq mán-jaıyn anyqtaýǵa jáne «Baıqońyr qalasynyń kópsalaly aýrýhanasy» MKK keltirilgen materıaldyq zalaldy óteýge baǵyttalǵan tergeý áreketteri júrgizilýde.
Qylmystyq isti tergeý barysy prokýratýranyń baqylaýyna alyndy.