Úkimettik emes uıymdar ókilderi úshin quqyqtyq jáne basqarýshylyq bilimderdiń júıelendirilgen kýrsy mobıldi qosymsha formatynda da qoljetimdi bola bastady, dep habarlaıdy Egemen.kz.
Mobıldi qosymsha qoǵamdyq uıymdardyń jumysyna qajetti negizgi baǵyttardy zerttegisi keletinder úshin arnalǵan. Ol jalpy bilim berý baǵdarlamasynyń 8 modýlin qamtıdy. Olardyń ishinde: marketıng jáne PR, fandraızıng, jobalardy basqarý, aqparattyq tehnologııalar, áleýmettik dızaın, ekonomıkalyq jáne qarjylyq saýattylyq, quqyqtyq jáne salyqtyq saýattylyq, esep jazý modýlderi bar.
Oǵan qosa, qosymshada strategııalyq oılaý, tıimdi basqarý daǵdylary, áleýmettik marketıng, qarjylyq saýattylyq, bıznes-model/bıznes-jospar qurý sııaqty áleýmettik kásipkerlik mektebiniń modýlderi de qarastyrylǵan. Ár modýlden keıin paıdalanýshylar bilimderin bekitýge arnalǵan synaqtan ótedi.
«ÚEU Akademııasy» mobıldik qosymshasy - oqytý baǵdarlamasynyń logıkalyq jalǵasy. Buny «ústel kitaby» dep ataýǵa da bolady. Onda alynǵan bilimdi jańartyp, taqyrypty qaıtalaýǵa bolady, buryn bilmegen jańa aqparattarmen tanysý múmkindigi de bar. Qosymsha kerek adamdarǵa taptyrmas kómekshi bolatynyna senimdimin», dep túsindirdi «ÚEU Akademııasy» jobasynyń jetekshisi Irına Vıgovskaıa.
Mobıldi qosymshany https://play.google.com/store/apps/details… siltemesi boıynsha tegin júktep alýǵa bolady.