Pavlodar oblysynyń bas memlekettik sanıtarlyq dárigeri «Pavlodar oblysynyń aýmaǵynda karantındik shekteý sharalary týraly» 2021 jylǵy 9 jeltoqsandaǵy jańa qaýlyǵa qol qoıdy, dep habarlaıdy Egemen.kz.
Atap aıtqanda, medısınalyq qarsy kórsetilimderi bar jáne sońǵy úsh aı ishinde KVI-men aýyrǵan adamdardy qospaǵanda, COVID-19-ǵa qarsy vaksınasııa almaǵan ónerkásiptik kásiporyndardyń qyzmetkerlerin kúndizgi rejımde jumysqa jiberýge shekteý qoıyldy.
Bul rette medısınalyq qarsy kórsetilimderi bar jáne sońǵy úsh aı ishinde KVI-men aýyryp jazylǵan adamdardy qospaǵanda, vaksınasııalanbaǵan jumyskerler úshin 7 kúnde 1 ret mindetti PTR-testileý kózdeledi.
Sondaı-aq, jabyq úı-jaılarda da, ashyq jerlerde de adamdar kóp jınalatyn oıyn-saýyq, otbasylyq, ujymdyq, korporatıvtik, saltanatty is-sharalardy ótkizýge tyıym salynady. Sondaı-aq, jappaı korporatıvtik is-sharalardy ótkizý úshin úı-jaılardy jalǵa alýǵa tyıym salynady.
Sonymen qatar, tómende kórsetilgen tarmaqtar boıynsha tyıym salynady:
Oıyn-saýyq mekemeleriniń qyzmeti (karaoke, kalıan, býkmekerlik keńseler, bılıard, oıyn klýbtary, túngi, boýlıngter jáne t. b.); Balalar oıyn-saýyq ortalyqtary (oıyn alańdary, attraksıondar); Eske alýdy ótkizý; Meıramhanalar men dámhanalar tıpi boıynsha kelýshilerge qyzmet kórsetýdi qospaǵanda, banket zaldarynyń qyzmeti 30 adamǵa deıin sanepıd talaptaryn saqtaı otyryp, mádenıet obektileriniń qyzmetin (daıyndyq); Teatrlardyń, kınoteatrlardyń, konsert zaldarynyń, fılarmonııanyń toltyrylýy 20-dan aspaıtyn qyzmeti; Kitaphanalar, murajaılar qyzmeti; Oblysaralyq, oblysishilik, qalaaralyq, aýdanaralyq, avtobýs, shaǵyn avtobýs jolaýshylar jáne týrıstik tasymaldar qyzmeti.Qaýlynyń tolyq mátinin myna silteme arqyly kórýge bolady.
Qaýly qol qoıylǵan kúninen bastap kúshine enedi.