Elordada qala ákiminiń orynbasary Asqar Amrınniń tóraǵalyǵymen azyq-túlik taýarlaryna baǵa belgileýdiń barlyq tizbegi boıynsha deldaldyq shemalardy tekserý jónindegi komıssııanyń otyrysy ótti, dep habarlaıdy Egemen.kz.
Komıssııa quramynda monopolııaǵa qarsy organnyń, Ekonomıkalyq tergeý departamentiniń, Nur-Sultan qalasy Tutynýshylardyń quqyqtaryn qorǵaý departamentiniń jáne t.b. ókilderi boldy.
Elordalyq monopolııaǵa qarsy organ Nur-Sultan qalasy boıynsha Ekonomıkalyq tergeý departamentimen birlesip azyq-túlik rıteıli naryǵyndaǵy básekelestiktiń jaı-kúıine júrgizilgen taldaý týraly baıandady.
Saýda obektileriniń, atap aıtqanda, kókónis bazarlarynyń, úı janyndaǵy dúkenderdiń jáne Nur-Sultan qalasynyń basqa da saýda obektileriniń qyzmetinde tutynýshylardyń zańdy quqyqtaryna qysym jasaý belgilerin belgileý boıynsha is-sharalar ótkizildi. Osy taldaýǵa jatatyndar qatarynda METRO, Galmart, Small, Fermag, Azat, Gúljan jelileri bar.
Anyqtalǵan buzýshylyqtar Komıssııanyń qaraýyna shyǵarylady. Kásipkerlerdiń is-áreketterinde saýda qyzmeti salasyndaǵy zańnamany buzýshylyq belgileri anyqtalǵan kezde tıisti sharalar qabyldanady. Aıta keteıik, komıssııa otyrysy apta saıyn ótkiziledi.