Amerıkalyq tanymal kásipker Bıll Geıts koronavırýstyq pandemııanyń negizgi kezeńi qashan aıaqtalýy yqtımal ekenin boljady, dep habarlaıdy Egemen.kz.
Microsoft negizin qalaýshy Bıll Geıtstiń aıtýynsha, koronavırýstyq pandemııanyń ótkir kezeńi kelesi jyly aıaqtalýy múmkin.
Bıznesmen álemdegi vaksınasııa qarqynyna tań qaldy. Ol adamdardy koronavırýstyq vaksınanyń qajettiligine sendirý úshin uzaq ýaqyt qajet bolady dep oılamaǵan. Sonymen qatar jańa shtamdardy da bulaı jıi paıda bolady dep kútpegen.
«Qalaı bolǵan kúnde de men munyń sońy alys emes dep úmittenemin. Taǵy bir boljam jasaý aqymaqtyq bolar edi. Biraq meniń oıymsha, pandemııanyń ótkir kezeńi 2022 jyly aıaqtalady», dedi kásipker.
Dúnıejúzilik densaýlyq saqtaý uıymynyń málimetteri boıynsha COVID-19 pandemııasy bastalǵaly álemde 265 mıllıonnan astam adam dertke shaldyqqan. Infeksııadan bes mıllıonnan astam adam qaıtys bolǵan.