Dúnıejúzilik densaýlyq saqtaý uıymynyń bas dırektory Tedros Adhanom Gebreıesýs koronavırýs pandemııasynyń nege sozylyp ketkenin aıtty, dep habarlaıdy Egemen.kz.
Pandemııaǵa qarsy áreket etý taqyrybyndaǵy dáriste DDSU basshysy 8 jeltoqsanda «COVID-19-ǵa qarsy vaksına qoldanylǵanyna» 1 jyl bolǵanyn eske saldy. Onyń aıtýynsha, barlyǵy bir jyldan keıin pandemııa aıaqtalatynyna sendi, soǵan úmittendi. Alaıda pandemııany aıaqtaý úshin vaksına, dıagnostıkalyq jáne emdik quraldar, basqa da mańyzdy quraldar teń bólinbegendikten, pandemııa kútkennen áldeqaıda uzaq ýaqytqa sozylyp ketken.
«Omıkron shtamynyń paıda bolýy jetistikterimizge nuqsan keltiredi. Jańa emdeý ádisterin ázirleý COVID-19-dyń aldyn alýǵa aıtarlyqtaı áser etýi múmkin. Biraq mıllıondaǵan adamdy vaksınadan aıyrǵan jańa quraldarǵa ádiletsiz túrde qol jetkize almaımyz», dep tolyqtyrdy DDSU basshysy.
Gebreıesýs el úkimetterin jańa omıkron shtamyna qarsy ulttyq pandemııa josparlaryn qaıta qaraýǵa, sondaı-aq, aýrýdyń taralýyn azaıtý jáne vaksınasııamen qamtýdy jedeldetý boıynsha sharalardy kúsheıtýge shaqyrdy.
«Taǵy qansha adamnyń ómirin joǵaltatynymyz búkil álem boıynsha vaksınaǵa, synaqqa jáne emdeýge ádil túrde qoljetimdilikti qanshalyqty jyldam qamtamasyz ete alatynymyzǵa baılanysty», dep qorytyndylady ol.