«Tru School Sports» sporttyq ıýtýb-arnasynyń jetekshileri WBO tujyrymy boıynsha orta salmaqtaǵy álem chempıony, amerıkalyq boksshy Demetrıýs Andrade men onyń mindetti qarsylasy Jánibek Álimhanuly arasynda ótýi múmkin jekpe-jekke qatysty boljam jasady, dep habarlaıdy Egemen.kz.
«Týrasyn aıtqanda Jánibek Álimhanuly dál qazir Demetrıýs Andrade úshin eń qaýipti qarsylas ekeni ras. Alaıda amerıkalyq bylǵary qolǵap sheberin jeńý úshin sharshy alańda bokstasqannan góri tóbelesken jón. Djermall Charlo Demetrıýs Andrademen kezdesýden qaımyǵady. Gennadıı Golovkın «zeınet» jasyna jaqyndap qaldy. Sondyqtan Andrade Álimhanulymen qolǵap túıistiredi.
Andrade kóp qarsylastarynan áýesqoı rıngtegi tájirıbesi arqyly basym túsip jatady. Alaıda qazaq oǵlany bul turǵydan qarsylasynan kem túspeıtinin eskergen lázim. Álimhanuly bul shaıqasta qarsylasyn aıqyn basymdyqpen jeńe almaıdy. Áıtkenmen, ol Demetrıýs Andradeni jeńe alatyn áleýetke ıe boksshy», deıdi arna jetekshisi.