Prezıdent Qasym-Jomart Toqaev QR Táýelsizdiginiń 30 jyldyǵyna arnalǵan saltanatty jıynda Elbasynyń álem tarıhyndaǵy orny týraly atap ótti, dep habarlaıdy Egemen.kz.
«Ol táýelsiz Qazaqstannyń negizin qalaǵan tulǵa retinde álem tarıhynan máńgi oryn alady. Tuńǵysh Prezıdentimiz – jahan jurtynyń aldynda ult múddesin qorǵaı bilgen kóregen saıasatker, qıynnan qıystyryp tosyn sheshimder qabyldaı alatyn jasampaz reformator. Osyndaı biregeı qasıettiń bári boıyna toǵysqan birtýar tulǵasy bar qazaq baqytty halyq», dedi Memleket basshysy.
Onyń aıtýynsha, Táýelsizdik kúni – qazaq halqynyń óz memlekettiligi úshin júrgizgen kóp ǵasyrlyq kúresiniń nátıjesi, halyq tabandylyǵynyń, bolashaqqa degen umtylystarynyń jarqyn kórinisi.
«Táýelsizdik bizge syılyq retinde nemese kezdeısoq kelgen joq. Táýelsizdik qundylyqtary ult tarıhynyń kóptegen ǵasyrlyq shejiresinen qalyptasty. Bizdiń halqymyz árqashan memlekettilik ıdeıasyna muqııat qarady, óıtkeni táýelsiz memleketi bar ult tarıhı turǵydan tabysty ult dep sanalady. О́ıtkeni ol damý jolyn ózi tańdaıdy», dedi Perzıdent.