Qazaqstan Táýelsizdiginiń 30 jyldyǵy qarsańynda elordalyq TJD avtoparki jańa zamanaýı órt sóndirý tehnıkamen tolyqty. Bul týraly Nur-Sultan qalasynyń ákimi Altaı Kólginov Instagram paraqshasynda málim etti, dep habarlaıdy Egemen.kz qala ákimdiginiń resmı saıtyna silteme jasap.
«О́rt sóndirýshilerdiń kásibıligi men erligine órtke qarsy tehnıkalyq jabdyqtalý deńgeıi de saı bolýy tıis. QR Táýelsizdik kúni qarsańynda elordalyq TJD avtoparki jańa zamanaýı órt sóndirý tehnıkasymen tolyqtyryldy. 50 arnaıy mashına satyp aldyq, olardyń basym bóligi qoldanysqa berildi. О́rt sóndirý avtomashınalary jumysqa qajet barlyq zattarmen jabdyqtalǵan, zamanaýı tehnıkalyq talaptarǵa sáıkes keledi.
Jedel áreket etetin avtomobılderdiń arasynda 90 metr bıikte órt sóndirýge múmkindik beretin arnaıy kótergish tehnıka bar. Arnaıy tehnıkanyń bul túri elimizde alǵash ret qoldanysqa berilmek. Byltyr 10 arnaıy mashına qoldanysqa berilse, bıyl taǵy 50-i alyndy. Baıqońyr aýdanynda órt sóndirý deposyn ashtyq. Taǵy 3 órt sóndirý deposyn salamyz, olardyń ekeýi eldi mekenderde ashylady. Bul materıaldyq-tehnıkalyq bazany jaqsartýǵa jáne qutqarýshylarǵa jumys isteý úshin qolaıly jaǵdaı jasaýǵa múmkindik beredi.
Turǵyn úı jaǵdaıyn jaqsartý úshin qazaqstandyq turǵyn úı baǵdarlamasyna qatysýshylardyń sanaty keńeıtildi, oǵan TJD qyzmetkerleri de kirdi. Sonymen qatar, «Elorda Jastary» arnaıy turǵyn úı baǵdarlamasy boıynsha turǵyn úı bólemiz.
Jyl basynan beri bizdiń qutqarýshylar 400-ge jýyq adamdy qutqardy! Úzdik qyzmetkerlerge «Qazaqstan Respýblıkasy Táýelsizdigine 30 jyl» merekelik medaldary berildi. Tótenshe jaǵdaılar departamentiniń qyzmetkerlerine qajyrly eńbegi men jumysyna adaldyǵy úshin alǵys aıtamyn!» dep jazdy elorda ákimi.