Ekinshi orta salmaqtaǵy álemniń absolıýtti chempıony Saýl «Kanelo» Alvares kásipqoı boksqa qatysy joq adamdardyń sharshy alańǵa shyǵýyna qatysty oıymen bólisti, dep habarlaıdy Egemen.kz.
Kásipqoı boksshy bloger Djeık Pol men burynǵy aralas jekpe-jek sheberi Taıron Výdlı arasyndaǵy shaıqastan keıin mundaı «qoıylymdarǵa» qarsy ekenin ashyq aıtty.
«Olar sharshy alańda ómirimen qoshtasýy múmkin. Bul fýtbol emes! Boks – óte qaýipti sport túri. Bular boksshynyń lısenzııasyn qalaı ǵana alyp júr? Olar buryn-sońdy sharshy alańǵa shyǵyp kórmegen ǵoı. Ýaqyty kelgende mundaı táýekelge barǵandardyń biri sharshy alańda óledi. Sol kezde olarǵa lısenzııa bergen atletıkalyq komıssııanyń jaýap berýine týra keledi.
Kóringenniń sharshy alańǵa shyǵýy – sportshylarǵa, naǵyz boksshylarǵa degen qurmettiń joqtyǵy. Qajet bolsa álgindeı blogerlerdiń kez kelgenin ózimmen jattyǵý zalynda jupta turyp judyryqtasýǵa shaqyramyn. Meniń ne týraly aıtqanymdy olar bálkim sol kezde túsinetin shyǵar», dedi boksshy ashýǵa býlyǵyp.