Top Rank promoýterlik uıymynyń ókili Todd Dıýbof WBC tujyrymy boıynsha asa aýyr salmaqtaǵy álem chempıony, ulybrıtanııalyq boksshy Taıson Fıýrıdiń kásibı mansabyna qatysty bolashaq josparymen bólisti, dep habarlaıdy Egemen.kz.
«Men kelesi jyly Taıson Fıýrıdiń Entonı Djoshýa, Aleksandr Ýsık jáne Dıllıan Ýaıt sekildi myqty boksshylarmen sharshy alańda kezdeskenin qup kóremin. О́z tarapymyzdan sol baǵytta jumys jasaıtyn bolamyz. Bir anyǵy Taıson kelesi jyly sharshy alańǵa úsh márte kóteriledi», deıdi ol.
Sońǵy ret Taıson Fıýrı sharshy alańda amerıkalyq Deonteı Ýaıldermen kezdesken bolatyn. Trılogııada ol qarsylasyn 11 raýndta nokaýtpen jeńip, eki myqty arasyndaǵy teketireske núkte qoıǵan edi.