Memleket Basshysy Qasym-Jomart Toqaev UQShU Ujymdyq Qaýipsizdik Keńesiniń kezekten tys sessııasynda Qazaqstanda konstıtýsııalyq tártip qalpyna keltirilgenin aıtty, dep habarlaıdy Egemen.kz.
«Qazirgi ýaqytta Qazaqstanda konstıtýsııalyq tártip qalpyna keltirildi. Eldegi qaýip-qaterge tosqaýyl qoıyldy. Terrorızmge qarsy operasııa aıasynda qylmystarǵa qatysqan adamdardy anyqtaý boıynsha jumystar júrgizilip jatyr», dedi Qasym-Jomart Toqaev sessııa barysynda.
Memleket basshysynyń aıtýynsha, búginde polısııa organdaryna 8 myńǵa jýyq adam jetkizildi.
«Quqyq qorǵaý, arnaıy organdar olardyń terrorızm aktilerine, kisi óltirýge, tonaýǵa jáne basqa da qylmystarǵa qatystylyǵyn tekserip jatyr. 116 qarý tárkilendi», dep qosty Qasym-Jomart Toqaev.