Elordada eldegi jappaı tártipsizdik kezinde baqılyq bolǵan azamattardyń rýhyna baǵyshtalyp quran oqyldy, dep habarlaıdy Egemen.kz.
Jappaı tártipsizdik saldarynan ómirmen qosh aıtysqan azamattardyń rýhyna arnalyp, «Áziret sultan» meshitinde quran baǵyshtaldy. Is-sharaǵa Qazaqstan musyldandary dinı basqarmasynyń tóraǵasy, bas múftı Naýryzbaı qajy Taǵanuly bastaǵan birneshe ımam qatysty.
«Asa raqymdy, meıirimdi Allanyń atymen bastaımyn. 10 qańtar – elimizde aza tutý kúni. Eldi qorǵaý jolynda janyn qıǵan jandardyń jatqan jeri jaıly bolsyn. Olardyń artta qalǵan baýyrlary men jaqyndaryna Alla sabyr bersin. О́kinishke qaraı, sońǵy birneshe táýlikte elimiz óte qıyn kúnderdi bastan ótkerýde. Árbir qıynshyqtan keıin jaqsylyq bolatyny belgili. Sondyqtan Alla bizge beıbit kúnimizdi qaıta buıyrtsyn», dedi bas múftı.
Qazaqstandaǵy tártipsizdik kezinde kúshtik qurylymdardyń 16 qyzmetkeri baqılyq boldy.